Margʻilon (boshqa nomlari Margilan, Marginon) — Oʻzbekiston shaharlaridan biri. Fargʻona viloyatida joylashgan. Aholisi 300.4 ming kishini tashkil etadi. Shaharda 30 dan ortiq millat va elatlar istiqomat qiladi. Jumladan, 91,9 % oʻzbeklar, 3,1 % ruslar, 1,4 % tatarlar. Shahar iqlimi — kontinental, qish yumshoq, yoz esa juda issiq keladi. Margʻilon shahrining turistik markazlari hozir Burhoniddin Margʻinoniy, Kaptarli mozor yoki Puri Siddiq majmuasi, Burhoniddin Margʻinoniy parki, "Yodgorlik" ipak fabrikasi, Margʻilon hunarmandlar markazi, "Margilan city" turistik markazlaridir.
Shaharda osmon oʻpar binolar kundan kunga koʻpaymoqda, xususan "Margilan city" mutlaqo Yangi Oʻzbekistonning rivojlangan massividir, shaharda eski uylar buzulib yangi osmon oʻpar binolar quruldi va qurulmoqda. Shahar iqtisodiyoti yiliga 12.1% ga oʻsdi. Oʻtgan yillarda bu koʻrsatgich 9.47%ni tashkil etgandi. Shaharda transport tizimi yaxshilanib bormoqda, shahar bugungi kunda eski qadimiy Margʻilon va rivojlangan Margʻilonni aks ettirmoqda. Shaharda koʻplab sanoat zonlari bor, ular: Ipakchilik, poyabzalchilik, oziq-ovqat, shirinliklar zonalari va hokazolar. Shahar hozirgi kunda Fargʻona vodiysi, qolaversa Markaziy...
Manba: Vikipediya – “Margʻilon” · CC BY-SA 4.0
Boshqa tillarda o‘qish: Русский · English · Deutsch · Français · Español · Türkçe · 中文
